......
عينى عليك
بقلم الشاعر /أحمد الشبراوى محمد خليل
يابن عمى يازين
يابو ميه يابو متين
عايش ضعيف كحيان
دايخ مع الدايخين
لا حد قال ده مين
ولا حد راضى يعين
ولا حد فيه حنيه
غير التراب و الطين
عينى عليك يا جدع
عينى عليك يا عين
الفول يا دوب تشترى
يخلص المعلوم
وان جبت يوم دوا
تصبح عليل مديون
عينى عليك يا جدع
عينى عليك يا عين
يا أم العيال عددى
عددى وابكى كمان
على اللى زمان اشترى
من راتبه فدان
و الكل شاورعليه
قالوا اللفندى راح
قالوا اللفندى جاى
والخاطبه
وصت عليه
وقالت لأم البنات
يا أختى أمان
وقيمه كمان
سيدنا اللفندى
عينى عليك يا جدع
عينى عليك يا عين
ليست هناك تعليقات:
إرسال تعليق