يا سلام على التغيير
مفيش أبداً كدا
الحظ بالتبديل
والخير كايد العدا
واسطة لحد خفير
تطلع بيها السما
والخير عايز تشمير
بعد بيع الردا
فتح عينيك ياجميل
ولا انت طبعك كدا
متحبش التغيير
وبتفرح فى البلا
عايش كأنى سفير
فى بلاد العدا
خارج السفارة تكشير
والضحك فى الدرا
حقك مع التساهيل
يتباع ويتشرا
هيأكلونا مسامير
أخرتها باين كدا
بيقولوا علينا مشاليل
بنحب الفرا
ممنوع تود امير
إلا بعد السنه
ارهابنا خلفة كتير
بتفجر الأرصدة
رزق العيال ياكبير
مصدرها فى السما
مفتوحة لغنى وفقير
مكتوبة ومتقدره
تخلف كتير وقليل
هو رزقك كدا
بالعدل رزق يزيد
وتتحل المشكلة
يا سلام على التغيير
مفيش أبدا كدا
...........وائل سعيد........