راحوا الغاليين ....... علاء زايد

راحوا الغاليينعلاء زايد
......
راحوا الغاليبن
الي
شالوني
ف عنيهم شيل
وسقوني حنين ف حنين
راحوا
وسابوني
لواحدي حزين
وحداني وغريب

فاضل ايه
ابكي عليه
و ابقا عليه
وعشانه اعيش
راحوا الغالين
عشت معاهم
احلا سنين
كنت بطير
وياهم
ذي الطير
من كتر
الفرح ال انا فيه
راحوا ف غمضة عين
راحوا وسابوني
لوحدي حزين
بعديهم
دوقت الويل
ونهاري
بقا ليل
وحداني
وغريب
ودموعي يوماتي
علي خدي تسيل
من كتر التعذيب
راحوا
وراح وياهم الخير
فاض الكيل
والحمل تقيل
عمال بيزيد
مش عارف
الاقيها منين
ولا منين
و قولولي
انا فين
القي الحنيه
ف الدنيا
والاقيها مع مين
في زمان ناسه
قاسيين
علي بعض كتير
مش عارف ليه
راحوا الغاليين
الي سقوني
حنين ف حنين
...........
علاء زايد
من ديواني