كله جايز...........احمد عبدالحق

كله جايز
انك تبيع حب بمشاعر
انك تموت جواك مشاعر
كله جايز
انك تدوس علي قلب حبك
انك تداري الاشواق في قلبك
وانك تحاول
والله لو عمرك كله حاولت
انك تبيع شمسي في قزايز
وانك تجمل ملامح ضميرك
اصلك محسوب علي العجايز
----------------------------------
لكل انثي غيرها
بطاقه اعتذار
مش عشان هي انثي
يبقي كلهم في النار
ولا عشان هي خيانه
يبقي المشاعر تتلغي
او نموت من الانتظار
ولا عشان باعت رخيص
هنعيش في نار
بقولها علي الملا
مش كل حرف اتكتب
ولا كل احساس اتحسب
يفرق هنا نوع الورق
مش مهم مين اللي باع
اعتبره احساس واتسرق
اعتبره حلم نهايته كدبة
او بريء في الحب اتشنق
تمن الخيانه صعب جدا
والاهانه صعب جدا
لو تحسيها
لو تعيشيها
يعني ايه جنين جديد
جوه بطن امه اتخنق
حاسه..ياريتك حاسه
يعني ايه
تسوي ايه
عايشه ليه
وانت عايشه في الغرق
عاوزه نصيحتي
اتمني موتك
اصله نهايه كلامي سكوتك
وحاولي انك تتوبي
بركعتين
ولو نزلت دمعتين
يمكن تحسي تمن الخيانه
اقل تمن ليها
في قلبي موتك
احمد عبدالحق