.يقول لك با عينى.........مرقص اقلاديوس

يقوللك يا عينى كفيف مسكين
انما المساكين بصحيح بأه
اللى ع

ينيهم مفتوحة أوى
و هما مش شايفين.

يبقى الجمال حواليهم من كل ناحية
قدامهم ورود مفتحة و هما رايحين
و وراهم زهور مفرحة و هما راجعين
و فى الروحة و الجاية
عيال بتضحك فرحانين.
و هما و لا حاسين و لا داريانين
و تقولله يا عمى رايح فين
سكتك ايه
يقوللك يا سيدى ادينا ماشيين.

و فجأة تسأل عليه يقولولك روح
أنا اللى مستغربله
ان الناس دايما بتنسى
ان احنا زى ما يوم جينا
فى يوم برضو مروحين.

ايه فايدة مجينا و مرواحنا
لو ما شفناش الجمال اللى خلقه ربنا
و عشنا بيه مستمتعين.
ما أكذبش عليكم
مش كدة نبقى احنا برضو مساكين..

نداء هام لكل البنى ادمين
ما قلناش ما تبصش لقدام
لكن بص برضو حواليك
متع بالجمال عينيك
و لفوق أوى ارفع ايديك
و شب شب على صوابع رجليك
و ارفع عقلك
و ارفع قلبك
قولله يارب
 مش هيقضى العمر نشكرك
على الجمال اللى بدعتهولنا
لكن هنكمل شكرك
لما نرجع ليك.
        الشاعر العجوز
      مرقص اقلاديوس