حلم_عنيد.....هانى_آدم

#حلم_عنيد
يا حلم عنيد
أنا عاهدتك لا تمشى بعيد
و لا تخلى اللى فاضل منى يشتاقلك
و يندهلك
و يرسم فرقتك أكفان
أنا الندمان
على حنينك
و مساجينك فى عهد الليل
و أنا المسموح من التسبيل
و من دمعك
جريح واجعك
جراحه فى عز ليل ساكن
و لون داكن
بطعم فراق
سباق
و المستحيل نوصل
لآخره فى يوم
هموم مهموم
و تسبيحه
مصيرها جحود
أنا المصلوب فى ألف عامود
و وهم كبير
محال يا قعيد فى يوم هتطير
بلا جناحات
قطارك فات
و سابلك ذكريات باليه
مع الشباك
حبيبتى هناك
بتنده ع اللى ضاع منى
و عشمانه
يا موج سكران بلا حانه
و منديل شوق
قلوب كل المنى ما تفوق
على اﻷوجاع
خدعنى الحلم فى التفسير
و سابلى وداع
يا عمرى إللى إفتكرته ما ضاع
و لا فارقني
أنا عاشقنى
فى عنيكى الضى
و بكره ماهوش عايزني أعيش
خيال درويش
بيشرب كل يوم منكر
عشان ينسى
و عشمان زي إبليس مركبه يرسي
فى بر عيون
لا عارف أبطل أهواها
و لا عارف أخون

#هانى_آدم