قصيدة/ ست الحسن...الشاعر/ ناصر عبد المقصود...المحررة ياسمين شام/ تحياتي.

ست الحسن .................
وأنا بتمشى تحت الشجـــرة
طلعت زهرة فى قلب الــورد
يا نهــار أبيض بنت جميلة
عيونها كحيلة ووش السعد
شدّت قلبى بلونها الخمرى
قلت صباح النور ع الأرض
اللى بتطرح أجمل زهــــرة
بين بستان الدنيـا بجــــــــد
أجمـــل بنت شـافتها عينيا
آه لــــو لمست أيدها أيديا
نظـــرت ليا عيـون عسلية
ولهيب قايد فــوق الخـــــد
معقولة ديّه تكون إنسية ؟
دى أكيـد من طينة وردية
هلت ريـحـة المســك عليا
بنسيم صادق مفهوش برد
ضحكت ضحكة تقولش ملاك
فتحت للأحــــــــــلام شباك
كنت أتمنى تقولي أهــواك
أو تشــــاورلى بأيدها تـرد
ست الحسـن زى الغصـــن
ماشية بتتمايل ع الركــــن
شـدت كل النــاس لجمالها
واللى يقــرب منها د وعــــد
ربى أوعـدنى وتبقى نصيبى
وأسمع منها تقول يا حبيبى
نفس طريقها هو طـــــريقى
فضلت وراها أتمنى المجــد
أجمـــل بنت خلقها المولى
ست الحســن ووش السعد
الشاعر / ناصر عبد المقصود