مجلة شعراء موسيقى الشعر العربي /الشاعر القدير شريف لصنامي ..قصيدة مابقات كلمة عند بعض الرجال / تحياتي

ما بقات كلمة عند بعض الرجال و ما بقاو لصحاب ينصابو في هذا الزمان الخير قــــــــــــــلال اهل الوفاء و العشرة غابو في هذا الزمان الخير قــــــــــــلال اهل الوفاء و العشرة غابو سعدك يا لي مزهور بصحابـــــــو و ياما ناس في لصحاب خابو في الوسع يسال عليك شعــــــــــال و قت الضيق يتسبب بسبابو اذا شافك يتكمش و يذباـــــــــــــــل هارب خايف على جيابو الصحبة ما هي من اجل الماــــــــل الصحبة عزوة في كتف حبابو سعدك يا لي مزهور بصحابـــــــــو و ياما ناس في لصحاب خابو في فراحك و حزانك مشطون البال في عرضك و سرارك قام بوجابو في حضورك و غيابك يدير المحال مراعي العشرة و الملح و ادابو الوجه منور و البسمة عند لقبــــــال لسانو محكوم و كاتم عضبـــــــو سعدك يا لي مزهور بصحابــــــــو يا ما ناس في لصحاب خابــــــو حتى الريح ينصاب للدرسة غربال يا ما قالو على الريح و عابــــــو اليوم الانسان تغير فيه الحــــــــال ما يقبل طبطيب على بابـــــــــو الصحبة نعمة مع وليد لحــــــــلال كثير لصحاب يبقى بلا صحابو سعدك يا لي مزهور بصحابـــــــو يا ما ناس في لصحاب خابـــــــو