مجلة شعراء موسيقى الشعر العربي ..الشاعر القدير مجدي فرحات ..قصيدة انت لسا بتسألي...المحررة قيثارة الشرق/ تحياتي

( انت لسه بتسألي )
============
أنت لسه بتسألي

الحب يعني إيه

انت لسه بتفكري

كنت بحبك ليه

ماهو انت لو تعرفي

معنى الحب ايه

كان ممكن تتأكدي

الحب ف الدنيا ليه

ومكنتيش تنكري

صفا عمري ولياليه

بس أنت هتفضلي

وهم انا جريت عليه

وعمرك ما هتفرقي

بين قلب وغدر بيه

عايشه معايا بتحوري

هو انت احساسك إيه

في الجرح مدواباني

 ده طبع وعايشه بيه

كرهك قاعده توزعي

زي الورد بتهدي فيه

كنت بعمري غلطتي

كنت ذلي ومحبتي

بس دلوقتي انت ايه

 سراب وبكره تندمي

على الحب اللي خنتيه

================
( انت لسه بتسألي )
كلمات
مجدي فرحات