قصيدة/ عاهدت نفسي...الشاعر/ محمود ضياء...المحررة ياسمين شام/ تحياتي.

عاهدت نفسى زمان
اشيلك فى نن العين
و مهما حصل منك
لا عمرى هازعل منك
و لا هاشتكى منك
يا ساكنة جوه القلب
يا مالية عليا العين
أنا و انت حاجة واحدة
أنا و انت روح واحدة
و لا كنا فى يوم اتنين
بحبك و انت فرحانة
بحبك و انت زعلانة
بحبك و انت متضايقة
بحبك و انت متعايقة
بحبك و انت حضنانى
بحبك و انت تعبانى
بحبك و انت رفضانى
و هجرانى و طردانى
و لو طال البعاد بنا
بارجع اترمى فى حضنك
و اقولك انت و حشانى
يا بنت الايه يا سكنانى
يا شايلة الوجع عنى
يا كل حاجة وحشانى
و انا فى حضنك أكيد بانسى
كل حاجة وجعانى
كل حاجة قتلانى
و أنسى كل احزانى
بحبك موت..

محمود_ضياء