إتأخرت
مش عارف كان شئ من حظي
ولا الحظ اتخلف عني
أصلي أنا عمري في يوم ما إخترت
عارف ان اليوم الجمعة
عيد أعيادنا
والمسجد في الجمعة ميعادنا
صحيت مذعور
قمت بخفة وإتوضيت
وبسرعة جريت
اللي في بالي .. يارب ألحقها
صلاة الجمعة
فجأة سمعت
طلق بارود
عالم تجري .. وعالم تخبط
قلت أعود
لكن قلت أشوف الحالة
يوم الجمعة للرجالة
ميعادنا المسجد
والمفروض كنت أبقى معاهم
أركع واسجد
بس خسارة .. إتأخرت
أصلي أنا عمري في يوم ماخترت
ولا اتخيلت
اني أكون في أمان الله
أسمع خطبة وأقول الله
واركع واسجد .. وأنا في حماه
ييجي خسيس ويحل دمايا
من غير ذنب .. يااااه الله
********
فجأة .. وستي
بعتت أختي
روحي وشوفي .. أبوك وإخواتك
وهناك عمك .. وولاد عمك
لما لقيتني .. قالت هيه ؟
واقف بتدور على ايه ؟
وماحكيت
قالت أبويا.. جزمته بني
من تذكاره .. إياك تحرمني
حضنتها .. وقالت في العالي
نعلك غالي ....
وأنت سلامتك .. ألف سلامة
اتخبيت ولا اتسترت
لا والله وحق كتابه
إتأخرت
مش عارف كان شئ من حظي
ولا الحظ .. إتخلف عني
أصلي أنا عمري .. في يوم ما اخترت
#أشرف_البنا
مش عارف كان شئ من حظي
ولا الحظ اتخلف عني
أصلي أنا عمري في يوم ما إخترت
عارف ان اليوم الجمعة
عيد أعيادنا
والمسجد في الجمعة ميعادنا
صحيت مذعور
قمت بخفة وإتوضيت
وبسرعة جريت
اللي في بالي .. يارب ألحقها
صلاة الجمعة
فجأة سمعت
طلق بارود
عالم تجري .. وعالم تخبط
قلت أعود
لكن قلت أشوف الحالة
يوم الجمعة للرجالة
ميعادنا المسجد
والمفروض كنت أبقى معاهم
أركع واسجد
بس خسارة .. إتأخرت
أصلي أنا عمري في يوم ماخترت
ولا اتخيلت
اني أكون في أمان الله
أسمع خطبة وأقول الله
واركع واسجد .. وأنا في حماه
ييجي خسيس ويحل دمايا
من غير ذنب .. يااااه الله
********
فجأة .. وستي
بعتت أختي
روحي وشوفي .. أبوك وإخواتك
وهناك عمك .. وولاد عمك
لما لقيتني .. قالت هيه ؟
واقف بتدور على ايه ؟
وماحكيت
قالت أبويا.. جزمته بني
من تذكاره .. إياك تحرمني
حضنتها .. وقالت في العالي
نعلك غالي ....
وأنت سلامتك .. ألف سلامة
اتخبيت ولا اتسترت
لا والله وحق كتابه
إتأخرت
مش عارف كان شئ من حظي
ولا الحظ .. إتخلف عني
أصلي أنا عمري .. في يوم ما اخترت
#أشرف_البنا
ليست هناك تعليقات:
إرسال تعليق