وسط الألم واقفين..بنقول يا رب أرحم
مصر بقالها سنين..تبكى وتتالم
ما كان ناقصها جراح..من وغد أو سفاح
تزهق بيده ارواح..ولطفل لا يرحم
الجرح صح صعيب..زادنا يا بلدى آلام
حادث فظيع ورهيب..من فكر كله ظلام
يا عيونى إبكى كتير..على كل طفل وليد
على كل شب امير..خلى آلامنا تزيد
ويا فرح زور دارنا..بامل وحلم جديد
دا اللى مصبرنا..إن اللى مات داشهيد
يا رب إنت رحيم..يا اللى منانا رضاك
صبرنا وإنت عليم..ما لينا إلا سواك
الصبر يا رحمان..دا الرحمه من عندك
وبلدنا بالإيمان..والحمد لك وحدك
هتعدى كل هموم..وهتكسر الاحزان
والخير علينا يدوم..وتعودى بر أمان
ليست هناك تعليقات:
إرسال تعليق