صوتك شجن....أحمد حمدى حسين

قصيدة(صوتك شجن)
بقلم//أحمد حمدى حسين
اعزفى الالحان بصوتك.....
سمعى قلبى الشجن.......
طمنى قلبى بوجودك.......
أنتى حبيبتى والوطن.......
لحنى الكلمات بهمسك.....
وارسميها بإيديكى رسم....
قلبى هيشدوها لقلبك.......
والسعادة تظهر كوشم......
مش لوحدى أعرفك.......
فيه ناس كتيره يعرفوكى.......
ولما تتوجدى ف مكان....
كلهم ..... بيتمنوكى....
والضحكه على وشوشهم.....
بإيدك تترسم رسم......
والضحكه على وشى تظهر......
وكأنى عامل الضحكه وشم.....
مجرى دمى.......
هو نفسه....مجرى دمك.....
صوتك انتى.......
صورتك انتى.....
اتحفر جوا قلبى......
وقلبى بيحلم يضمك.......
امحى كل شريط حزنك......وهمك
اظهرى للكل فرحتك....
خبى شعرك .... دارى تاجك.....
اخفى ذهبك بترحتك......
متظهريش بالنهار.....
لان الشمس مش بتحب ضى القمر.......
ومتظهريش بالليل....
عشان الناس ما تهوى السهر.......
صوتك ......صورتك......
عينك......رمشك.....
ضحكتك.....ونظرة منك.....
تحلى ايامى المره.....
انا عارف ان الحياه كدا .....
يوم حلوه .... ويوم مره....
اعزفى ألالحان بصوتك.....
دا نبرة صوتك......
وحديها غنوه....
متبخليش على الناس.....
بضحكه تداوى جرحهم.....
الناس قتلها الهم.....
وانتى املهم وفرحهم.......
كل الناس بضحكه واحده......
وانتى الجميلة بضحكتين.....
ضحكه منهم بالشفايف.....
وضحكه تانية بنن العين......
وانتى لما بتضحكى....
يحلى لى مر السنين.......
اعزفى الالحان بصوتك.....
نسي قلبى الانين.....