السبت، 1 أكتوبر 2016

يا واد متخافش ....محمد العربى


يا واد متخافش
يا واد متخافش م الضلمه
و متفكرش فى العفاريت
و متدوَرش على ابره
فى كوم القش من غير خيط
و خاف من دعوة المظلوم
و اوعا الفرض ل يفوتك
و قول الحق واوعا تخون
ولو كان التمن موتك
وايَاك ل الغرور يعميك
وداء الكبر ل يصيبك
مسير الدنيا تلعب بيك
وساعة الحظ مش ايدك
و متدوَرش ع اللى يروح
وديما بص ادامك
و متفكرش فى اللى يهون
عليه عمرك و أحلامك
ودارى شكوتك جوَاك
ولا تفرَطشى فى مكانك
و تخلص للى فكَر فيك
و ضحَا بعمره علشانك
بقلمى \ محمد العربى
Comments
رحيق الورود
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)