قصيدة/ مخنوق...الشاعر/ وائل سعيد...المحررة ياسمين شام/ تحياتي.

مخنوق......
من امتحانات
لولادنا مش لازمة
الغش بقه اشتغالات
برشام مالوش لازمة
ما اللجنة خد وهات
والبركة فى مس عزة
كفاءة فى الواردات
حلول اهالى نازلة
تتقال فى ميكرفونات
او كسر لإزازنا
توصية مدام جملات
لبنت خال حمزة
تتساوى المستويات
يا خسارة لولادنا
طول السنة مذكرات
وقطع فى قلوبنا
دلوقتى مول دراجات
وكفاءة لأساتذة
راكبين لنا عربات
والبركة فى الغلة
دروس تجيب رزمات
من عصر لجيوبنا
ضمير لهم قد مات
والنكسة فى الحصدة
حسن ساقط فى لغات
استاذ مع اساتذة
ولطفى ساقط حسابات
مهندس كبارى جامدة
وسارة كروموزات
دكتورة كبد فزة
ورشاد حرامى الوجبات
رئيس مينا السخنة
ونقول فساد سنوات
ونلزق فى حكامنا
والظلم بقى ظلمات
ما هو اصل اعمالنا
..................وائل سعيد.............