مجلة شعراء موسيقى الشعر العربي .. الشاعر سيد صادق قصيدة سيدنا النبي / تحياتي

سيدنا النبي قالها زمان
الإسلام هيعود غريب
هيعود غريب زي ما كان
صدقت يا سيدنا الحبيب
تشكيك في كل النصوص
ملاحده بتشجع لصوص
قطر الكفر طالع يدوس
أي قلوب فيها إيمان
مزاد كبير والكل شاري
بس انت شكك في البخاري
و الأئمة الكبار
لا عاجبهم سنه او كتاب
خبوا الدين ورا ألف باب
قالوا مفيش جنه ونار
يا رب ليك المشتكي
و انت اللي عالم ب اللي صار
عالم بكل اللي اتحكي
ناقص يقولوا الدين هزار

سيد صادق
#انتظروا_الابابيل