سافر وسابنى....بقلم : وائل سعيد

سافر وسابنى
فرحان بالأجازة
وراح يجري يلعب
وكله سعادة
مش عارف إنه
سابني أحس بملالة
من غيره يملى
وقتي بسعادة
دا مش بس إبني
دا صاحبي وزياده
سابني كأني
ياناس وسط غابة
أكيد لما يكبر
هيعرف غلاوة
وازاي خوفي يكتر
ويا الشقاوة
وكونه بس جنبي
بحس بهناوة
كتير كنت أقوله
بطل رخامة
عشان لما يكبر
يهز الشهامة
يا ناس لما أقوله
روح أو تعالى
بدرب جنابه
لسلو الرجولة
أثور لما يغلط
واشد بغلاظة
لأن التعود
على الشين من البلادة
يزيد فرحي لما
يفوح بالأمانه
ويصون صاحبه
حتى وقت الندالة
حبيب قلبى هو
وسكر زيادة
يا رب اشوفه يكبر
ويفتح عيادة
.......وائل سعيد ....