مجلة شعراء موسيقى الشعر العربي --الشاعر القدير محمد عباس معلم الاسماعيلة --خواطر عيد سعيد --المحررة نور--تحياتي

خواطر : ( عيد سعيد )
احلى مافى العيد عيدية
اوزيارة اوتسالى او هدية
اورسالة لك ياغالى
واللى يسبق ده بميه
شوق ولهفة واغلى فرحة
ساعة تجمعنا  سويا
ترجع الضحكة البريئة
واللقاء رمز الحقيقة
ونفتكر ذكرى جميلة
والتهانى احلى سيرة
 والمشاعرللى شاعر
 بالوفاءوبسمة نبيلة
نحكى نتحاكى بامانى
ووقت بيعدى فى ثوانى
النهارده عيد محبة
والطفولة  حبة حبة
طفل يتباهى باقاربه
واللى ضايقه او يعانده
حوش ياعمى
حوش يا خالى
من بعيد شوقنايزيد
شمس تشرق من جديد
واتولد فى قلوبنا عيد
نفسى كل حياتنا عيد
والامل يظهر وليد
وتنبض الاشواق تعيد
ولما نتقابل نفجر
ضحكة نابعه م الوريد
كنا فين وبقينا فين
من زمان ومن سنين
صرنا نتحدى الانين
واللى باقى لهفة وحنين
والتصافى وجو دافى
والقلوب رمز التعافى
والوجوه بسمة تنور
واللى يجرى او يدور
واللى سابق او محور
واللى يختار ايه يقدم
كعك بسكوت اوتسالى
جو صافى م التعالى
فرحة واستقبال اغانى
وكلمة راقية بالمعانى
والقبول اغلى علامة
وطريق خالى بالسلامة
والاقارب جات تعيد
هوه عمه والاخاله
والاناسى  انه حاله
عاش غريب او فى حاله
ومرت الايام قباله
وهوه شارد فى خياله
كل عيد والكل صافى
كل عيد والحب كافى
كل عيد سعيد مبارك
لكل واحد جه وشارك
والبساطة وربى بارك
بقلم محمد عباس معلم الاسماعيلية