مجلة شعراء موسيقى الشعر العربي --الشاعر القدير محمد عبد الكريم --قصيدة يازمان الحشمة --المحررة نور--تحياتي

بقلمي
محمد عبد الكريم .جبل امساعد   بااللهجةالجزائرية
يازمان الحشمة

يازمان الحشمة ولي نحتاجوك
وضاقت الخواطر في وساع الدنيا
الشاب  ناض شعر بالشوك
وسايرا البنت بلا حيا في المشيا
ولكبار ياصغر راهم حبوك
وصغير بتهواس ماهو فاهم حيا
خدعونا الغرب بثقافة وفيسبوك
والي يعرفلهم ديما يحيا
الشاب قاست طفلة داه شوك
والشايب في النت لقى مريا
الحكمة قليل ماتلقاه في هذو ولا ذوك
وساعة تلقى شجرة فرعوها قويا
لكلام بحر ماتروى منو يقروك
والفعال  ياحصراه على واش مبنيا
بكري ناس زمان في ريف اسمعوك
حتى الان قولهم بارود حكمة ضوايا

يازمان الحشمة ارجع نحتاجوك
ضاقت لخواطر في وساع دنيا
الطير حاكم  عشو في غابة مهلوك
وفي قفص حريتو غابت قا هيا
الورقة والقلم هدفهم حليلو محبوك
مطرز في طريق غايبة على ذريا
كاذبة الورقة مرات والصح راهم مرضوك
والشاشة مرة تكذب ولخرى عندها احقيا
القرءان لاتشجيع فيه راهم نسيوك
وكلام  كامل  حكمة ربانيا
والتخلاط يافرحي بيك اقربوك
غني لا تحبس عندك المزيوديا
والشعر بالحكمة في اصلك  هانوك
ماعندك كلمة في شاشة ولاهيباويا
تاريخ لجدود نسيناه متروك
ماقلبنا على طب وقرايا منسيا
لافلك ولا كيميا كلشي بعدوك
والعالم معيشت في دول اجنبيا
دايما الحق ولو يا رقبة يشنقوك
ولا يتسبب  في حادث اغيبك عن الدنيا

يازمان الحشمة قرب  نحتاجوك
ضاقت لخواطر في وساع دنيا
الدولة العثمانية وقت ن فات زعزعوك
وتفتتي على ايدي صهيونيا
واليوم مزال احوسو يابلادي اقطعوك
ونساو ولادك عندهم الا نتيا

يازمان الحشمة سهل لينا نحتاجوك
ضاقت لخواطر في وساع دنيا
من لبسة يا سامعي يقتلو خوك
ومن ريحة ياطفلة قتلو فلسطينيا
من فيلم عاداوك راهم قصفوك
اودرولك  الاخلاق الانسانيا
واش راه يصرى كلشي مشبوك
بصح الله احكام مقضيا