قال لي عايز إيه وكام
من حيرتى ضاع مني الكلام
فاتني وسابني بإبتسام
صحيت يا ناس كلي ملام
سخمط إيه يادي السخام
طب قوله شقة عشان حمام
أو لقمة حلوة وجوز حمام
أو حتى مشفى لحال مرام
أو حته فرنا وسط الزحام
أو هدمة حلوة للعظام
أو شغلة عال وزير علام
ساعتها يبقى تمام تمام
قلت ألحقه أوام وأنام
قعد يلف في راسي الكلام
لحد ما فات قطر النيام
وقلت ليه بس الملام
ورضيت قوي بالإبتسام
مش كان ممكن تقلب ظلام
والبسمة زووم ولهيب كلام
فرمان سجن قبل إتهام
بالمشى عكس هوى النظام
وعلقة سخنة وطولة لسان
وهدم بيت لصالح العوام
تفيت شمال يا ناس قوام
قبل ما ندفع ضرايب الكلام
ورسوم على دفن الكرام
ماهو كله حلم والسلام
لوكان كابوس هنفوق قوام
لوفرسة بيضا وفارس همام
مطرح ما يمشى خضرة ووئام
هنقول مدد ونفضل نيام
.......وائل سعيد .....
ليست هناك تعليقات:
إرسال تعليق