ياسيدي جبلي هدية
ياعم جبلي هدية
شوف ياعيني شوف
هنا الست البلجيكية
من كترالهدايا ياناس
عملت لزوجها محكمة وقضية
ماهو طيب كلوا إحساس
ليه ياست القضية
تعالي شوفي حالنا ياست بالمرة
في السنة إن كانوا فاكرينك مرة
عيد ميلادك يعدي
والا حدش يسأل فيك بالمرة
ياعيني عالست الشرقية
بيجي عيد الأمهات
ولا حد يفتكرك بكلمة يراضيك
نسيوا كل أتعابك
ولا حد فيهم بغنوة الأم يغنيك
كأن الكلام يتباع بفلوس
ونسيت الكلمة الحلوة
من أيام مكنت عروس آه ياعيني عالست الشرقية
تعالي إنت ياإسبانية
شوفي حال الست الشرقية
حتحمدي ربنا صبح وليل
ده أنت في نعمة وجنة
ولاتزعلي يوم من القهر
روحي ياست روحي
روحي الله يهديك
لتزودي قهري وجروحي
وبوسي وش وظهر إيديك
ده أنت ياست في جنة
وكل الناس حاسداها عليك
آه ياعيني عالست الشرقية
ياستي جوزك دلعيه
وكل الكلام الحلو ياحلوة سمعيه
ماهو مش كل الرجالة بتجيب هدايا
وكمان عالمحكمة تحبسيه
آه ياخرابي آه ياني
والست دي مجنناني
هو في منك في الدنيا
ستات بتحبس جوزها عشان هدية
آه ياعيني عالست الشرقية
دحنا ياست معندناش هدايا
أوحتى يكذبواعلينا بالكلام
بقولوا الكذب ياناس حرام
ماهو الكذب جايز
على الستات وعالجايز
آه ياعيني عالست الشرقية
حسوا ياسيدي بالست حسوا
والنبي وربنا عليها وصوا
هو أنتوا لما تسمعوها أجمل كلام
في صحتكم يارجالة حتخسوا
ماهو الكلام ببلاش
تسمعوه لستات الغير
ولما يجي دور ستاكم
تقوللها كلام كلوا شوك ومسامير
آه ياعيني عالست الشرقية
شوف الرجالة البلجيكية
بتدلع ستاتها إزاي
مافيش طلاق طول العمر
أحتى كلمة جننتيني يابنت الإيه
ماهي شايلة هم البيت والعيال
وهم الدنيا ونقص المال
آه ياعيني عالست الشرقية
دلعها وكمان دلعها
حترجع شهريارفي زمانوا
جيب لها في إيديك كل مرة هدية
وكل الورد بألوانوا
حتصبح دنيتك جنة
مافيش طلاق أوجواز تان على السنة
ماهي حبيبتك أم العيال
نصيبك في الدنيا والجنة
آه ياعيني عالست الشرقية
نعيمة رحيمي
آه يا عيني عالست الشرقية
ليست هناك تعليقات:
إرسال تعليق