مجلة شعراء موسيقى الشعر العربي --الشاعر القدير عبد العليم ابو عبده --قصيدة هليت علينا يارمضان --المحررة نور--تحياتي

هليت علينا يارمضان ----- بنور وسرور -- ف كل مكان -- ياصوم وعباده -- وكرم زياده -- وحب وامان -- ومع الهلال -- فرحوا العيال -- وقادوا الفوانيس -- ونسا ورجال -- وعم وخال -- ف ليلك ونيس -- وفطارنا يحلى -- مع الادان -- والسهره تحلى -- اهل وخلان -- هليت علينا يا رمضان -- وصلاة تراويح -- والقلب ف تفاريح -- حمد وتسابيح -- ورضا رحمن -- هليت علينا يارمضان -- نلانين يوم -- من غير هموم -- ورزق وفير -- ياطلة خير -- والكل نشوان -- هليت علينا يا رمضان -- القلوب الرحيمه -- والنيه السليمه -- خلوا الامانى -- هيه امتنانى -- ومفيش اشجان -- ولاحد جعان -- هليت علينا يارمضان -- وبعدك عيد -- والكل سعيد -- ماتروحش بعيد -- وتسيب حرمان -- هليت علينا يارمضان -- وبسرعه مشيت -- استنى ياربت -- ومش ف الحسبان -- تمشى يارمضان -- وتسيب حرمان -- ف قلب ووجدان -- هليت علينا يارمضان -- ياريتك طول السنه -- ياشهر الخير والهنا -- بتقربنا من ربنا -- وتحببنا ف بعضنا -- والرحمه تضمنا -- ياشهر الغقران -- هليت علينا يا رمضان ---------------------------------------------------------------- الشاعر \\ عبد العليم ابو عبده