قصيدة/ دلوقتي جي تنادي...الشاعر/ سيد صادق...المحررة ياسمين شام/ تحياتي.

دلوقتي جي تنادي ليا
وتقولي قلبك حس بيا
طب كنت فين طول السنين
لما النوم خاصم عنيا
سيب الكلام في مطرحه
كدبك تملي بيجرحه ..
كل اللي عايزه اوضحه...
بقيت انا ... مبقتش هيا
سبتني معرفش ليه ..
ولو عرفت انا هاعمل ايه ..؟
كنت لسه مغمضه ..
اول سنه ف الفضفضه
وعشان كده ....
خدت قلبي لعبت بيه !!!
ودلوقتي راجع .. فاكراني ايه 
حلم عشته .. صحيت ناسيه 
وﻻ وش....و بتشبه عليه . ..؟!!!
ايوه انا ..
اللي بعتها
و وجعتها 
و سمعتها
اللي بينا ..خلاص انسيه 
ايوه انا .. بس بقيت 
وافهم بقي .. مش هيا

سيد صادق