مجلة شعراء موسيقى الشعر العربي.. الشاعر القدير عبد العليم أبو عبده ....قصيدة ولاحد بحبك يامصر قد اللي عليك مغلاب ...المحررة ميسم / تحياتي

💚💚 ولاحد بيحبك يامصر قد اللى عليكى مغلاب  💚💚 -- اللى لاشم -- ريحة الزفر -- ولاداق --- طعم الكباب -- وعاش -- بهدوم مهلهله -- ومتكلكله عليه الانياب -- عايزه تنهش -- عضمه -- قبل لحمه -- وتمص دمه -- وتلحسه التراب ---- - وترمى -- عليه التهم -- وتملاه نقم -- ولاكان -- ف يوم نصاب -- لكن رغم ان عرقه -- مرقه -- وعايش -- شريعة الغاب ---- بيحبك يامصر -- حتى بعد العصر-- اللى خلاه لبلاب -- لاقادر -- يصلب طوله -- ولا ينسى اصوله -- ولا يخبط ع الابواب -- صاين كرامته -- وبيكره الذل -- وخالى م الغل -- والتقوى علامته -- وحمد -- رب الارباب -- ملطوع -- جنب الحيط -- ف ايده ابره وخيط -- بيلصم الجلباب --- - ولاشغله -- ولا مشغله -- مستنى الغلا -- وسنينه الهباب -- يمكن تجيله شوطه -- من فوق السحاب -- تاخده هو وعياله -- بدل مايسرح بخياله -- فيما لذ وطاب -- ويتمنى حسره -- فوق حسرته والايد اللى جوعته -- تتشل من فوق السحاب-- بدعوة مظاوم -- لا اكل ولاهدوم -- والعبشه هباب -- اللى بيحبك -- يابلدى عمره -- ما جيغنيلك ع الرباب -- ولاحيرقص فى فرح -- وقلبه يتشرح -- لوشاب الغراب -- محبه الغلابه -- ليكى يابلدى -- م القلب للقلب -- بيجنوها اكل زلط -- واللى اتملط -- وشبعان سب -- هو ابنك حبيبك -- ياريت -- تعمليله حساب -- بدل ما يدوق المر -- واللى كارهك حر -- بيغنى -- ونايل التمنى -- وعنده الضانى اكله -- والويسكى شراب ----------------------------------------------------------------------------------------------------------------------------✍️✍️--- الشاعر \\ عبد العليم ابو عبده ✍️