صور باهتة
نص عامى
ــــــــــــــــــــــــ
ليه الصورة موش الصورة
والوشوش بالف صورة
الحقيقة ليه تاهت
مراية العين مكسورة
ليه شايفين الحق باطل
والباطل متصدر الصورة
ليه الزمن موش الزمن
والوش لابس الف قناع
وصاحب القناع ليه
فى كل مكان الف صورة
ياترى العيب فينا
ولا فى الصورة
الوانها باهتة مكسورة
ليه انا موش أنا
عاوزنى أغير الصورة
والبس إزاى قناع
بكرة الزمن يسقط الالوان
ساعتها تبان باهتة الصورة
ياترى مين يرسملى الحقيقة
ولو مرة فى الصورة
أحترت فى الوصف
وإزاى نعدل الصورة
والعدل فى أخر الصف
مخدتش حتى ولو صورة
ــــــــــــــم 2018ـــــــــــ
أحمد إبراهيم
مجلة شعراء موسيقى الشعر
17/1/2018
ليست هناك تعليقات:
إرسال تعليق