قصيدة/سكتك غير سكتى...شعر/على محمد شحاته
سكتك غير سكتى..دنيتك غير دنيتى
الحب كان وهم وخداع
والغلطه كانت غلطتى
الصدق كان فى الحب عهدى
وأنت اللى كنتى بتخدعى
كان قربى منك هوه سعدى
ألاقيكى برضه تلوعى
حبك دا وهم وشدنى
ياريت فؤادى ما صدقه
كان حمل قاسى وهدنى
دا القلب ناره بتحرقه
إنت الألم وإنت الضنى
وإنت القساوه فى نظرتك
خدتى الحنان منى أنا
معرفش فين حنيتك
إنسينى كام يوم وإبعدى
بس يا ريتك تصمدى
وتشوفى مين زيى أنا
ولمين يا حلوه هتسعدى
بكره الحبايب تخدعك
بكره الليالى تضيعك
تفتكرى يومها محبتى
وتحنى تانى لجنتى
الاقيكى راجعه لسكتى
بعد فؤادى ما ودعك
يومها هاقلك أرجعى
يومها هاقلك أسمعى
سكتك غير سكتى..دنيتك غير دنيتى
الحب كان وهم وخداع
والغلطه كانت غلطتى
ليست هناك تعليقات:
إرسال تعليق