مجلة شعراء موسيقى الشعر العربي.. الشاعر الكبير الاديب نبيل زيدان ....قصيدة آه بحبك يامصر ....المحررة الشاعرة ميسم بارودي تحياتي

اه بحبك يا مصر
----------------

اه بحبك يا ام الضفاير
ياللى قلبى عليكى داير
و فكرى فيكى حاير
تندهيلى اجيلك طاير
تهدى حبى اللى ثاير
انا فى حبك عمرى ما كنت جاير
اه بحبك يا ام الضفاير
اه بحبك يا مصر

*****

اه بحبك يا ام العيون السود
وحبى ليكى من غير حدود
علشانك اعدى اعلى السدود
و احطم كل القيود
واجيلك بقلب ودود
اهديكى اجمل الورود
يا حب ملهوش حدود
اه بحبك يا ام العيون السود
اه بحبك يا مصر

*****

اه بحبك يا ام العجايب
ياللى قلبى فى حبك دايب
و بيحن ليكى كل غايب
انتى اتربى فيكى كل ولد وكل بنت و كل شايب
واللى جار عليكى النهاردة بكره يرجعلك تايب
وفى حماكى عمرى مابقى هايب
اه بحبك يا مصر يا ام العجايب
اه بحبك يا مصر

كلمات نبيل زيدان