مجلة شعراء موسيقى الشعر العربي.. الشاعر القدير نبيل زيدان ..قصيدة الا انت ياحبيبي ..المحررة روشان رينيه .. تحياتي

الا انت يا حبيبى
---------------
حبيبى
ياللى اسمك
اجمل الحروف على لسانى
ياللى رسمك
احلى صورة عايشة فى وجدانى
ياللى قلبك
ياما من حنيته هنانى
ياللى ضحكتك
مليانة افراح و امانى
حبيبى
هما دول اللى بعشقهم فيك بكل كيانى
و كل ما فى قلبى من حس
وهما دول اللى بغيير عليهم
من اى حد او اى همس
هما دول اللى بيونسونى فى وحدتى
ايه اغلى منهم فى حياتى و دنيتى
الا انت يا حبيبى

يا اجمل حلم شفته بعنيه
يا اغلى قلب ملكته بين ايديه
يا احلى عمر انا عايش ليه
النهارده و ايامى اللى جايه
حبيبى
الناس بتحكى و بتقول
حبى ليك شئ مش معقول
حبيبى
انا ليلى و نهارى حاقول
حافضل احبك كده على طول
حبيبى
ياللى اسمك
اجمل الحروف على لسانى
ياللى رسمك
احلى صورة عايشة فى وجدانى
ياللى قلبك
ياما من حنيته هنانى
ياللى ضحكتك
مليانة افراح و امانى
هما دول اللى بعشقهم فيك بكل كيانى
و كل ما فى قلبى من حس
وهما دول اللى بغيير عليهم
من اى حد او اى همس
هما دول اللى بيونسونى فى وحدتى
ايه اغلى منهم فى حياتى و دنيتى
الا انت يا حبيبى

يا اللى ما خلينى عايش بس الا ليك
يا اللى حياتى ما بتكملش الا بيك
يا اللى بتاخدنى عنيك و معاها بعيش فى دنيا تانية
يا ريتنى افضل معاك ولا سيبك ولا ساعة ولا ثانية
حبيبى
مش قادر اوصفلك حبى ليك اد ايه
حياتى وروحى ملك ايديك عايز اكتر من كده ايه
حبيبى
ياللى اسمك
اجمل الحروف على لسانى
ياللى رسمك
احلى صورة عايشة فى وجدانى
ياللى قلبك
ياما من حنيته هنانى
ياللى ضحكتك
مليانة افراح و امانى
هما دول اللى بعشقهم فيك بكل كيانى
و كل ما فى قلبى من حس
وهما دول اللى بغيير عليهم
من اى حد او اى همس
هما دول اللى بيونسونى فى وحدتى
ايه اغلى منهم فى حياتى و دنيتى
الا انت يا حبيبى

كلمات نبيل زيدان