مجلة شعراء موسيقى الشعر العربي.. الشاعر الكبير عبد العليم ابو عبده ..قصيدة وحشتيني ياغاليه.. المحررة الشاعرة ميسم بارودي تحياتي

😁😁 وحشتينى ياغاليه  😁😁 -- بط ووز وفراخ -- الواحد من غيرك -- هفتان وداخ -- لاعاد صحه -- وكحه -- ووجع امخاخ -- من اكل الحادق-- مش طايق -- وف بطنى صراخ -- اموت بعله -- ولا املا الحله -- كرشه -- وفشه -- وامخاخ -- واكل واتلدد -- بدل ما اعدد -- ع اللى مات -- واللى حى -- واعيش -- ومليش زى -- الا كوم السياخ -- بحبك يا لحمه -- عجالى او ضانى -- بس ف الاحلام -- وببقى ف لخمه -- لما انام جعان -- الحرمان -- بيملانى الالام -- وافضل افكر فيكى -- ونفسى اشتريكى -- بس بكام -- بجتيه ولا بدولار -- ولابتمن الدار-- ولا اوكل عيالى حرام -- واسرق وانهب -- عشان اقرب -منك ياكبيرة المقام -- دا انا ساعة ما ادرى بفرح -- فلبى بينشرح -- واقف اول الصف -- قدام -- واسلم ع المعازيم -- وشىء عظيم -- الاحترام -- واجرى ع السفره -- حتى لو عليها غفره -- وانحت عظام -- وباديه وسنانى -- وف لحظة تفانى -- اكل والهط وهدومى امرمط -- اصل الجوع حرام -- وعشان ياكلوكى -- اللى ما يستهلوكى-- بينى وبين الجدعنه -- خصام -- لاعدت بشحع اهلى-- ولا زمالك -- ولاعدت مالك -- بامرى الزمام -- الفقر هرانى -- وورانى -- الضرب ف الميت مش حرام -- عند ولاد الكلب -- اللى معيشنا غصب -- وماعدتش -- غير هبش -- واحنا -- ف محنه وهمه تمام ---------------------------------------------------------------------------------------------------------------------------------✍️✍️- الشاعر \\ عبد العليم ابو عبده ✍️