مجلة شعراء موسيقى الشعر العربي.. الشاعر الكبير عبد العليم ابو عبده ..قصيدة عشان بحبك يامصر… المحررة الشاعرة ميسم بارودي/ تحياتي

💚 عشان بحبك يامصر  💚 -- راضى بقليله -- ولو الفقر عليه شد حيله -- وشحططنى -- وملطنى -- لوغاب حجيله -- واخده بالاحضان -- واغديه بطاطس وبتنجان -- واعشيه اذعر وقصر ديله -- وارقده ف حضنى -- ولو ناهضنى -- م الهم حشكيله -- وهوه بيتحنجل -- ولابايده ولا بالمنجل -- وف العز احتار دليله --- عشان بحبك يامصر ------------------- حرقص سامبا ونانجو -- واكره الحشيش والبانجو -- واقضبها عصير-- تفاح ومانجو -- وافرق ع الجيران -- لحم ضان -- وحنان -- وكباب وكفته --- واعمل م المجدعه لفته -- وانسى قلة الغموس-- وشغل الفوس -- والبتنجان العروس -- والامريكان الروس -- والوش العبوس -- واعمل فيها رامبو -- ---------------------- عشان بحبك يا مصر ----- حجيب مطوه قرن غزال -- واشق بيها بطون العيال -- عشان لايجوعوا ولا يتعروا -- ولا من ابوهم يستعروا -- ويقولوا كلام بطال -- واقول للديانه من ع الباب --- الظاهر ايامكم هباب -- ياله امشوا انجروا -- ملكوش فلوس -- دانا موكوس -- والعب معاهم حالو -- واعملهم بالو -- والدنيا تمشى -- وعلى رمشى يامصر -- بعد العصر -- ولادك بشحططوا ويتذلوا ------------ عشان بحبك يا مصر ------ حسيب كلابها -- على ديابها -- والعيال تشيب قبل شبابها -- وقلة الحيله -- بارمه شنابها -- انا ليه اعول همى -- ومات ابويه وامى -- وخلاص نشف دمى -- ومصر غالى ترابها -- على ناسها -- وصحابها -- وشرم الشبخ -- ومارينا -- وعصايه بتجرينا -- وعض كلاب -- وعيشه هباب -- زمن مورينا المر -- والحر -- هوه اللى طفش وسابها ---------------------------------عشان بحبك يا مصر ---------------------------------------------------------------  ✍️✍️- الشاعر\\ عبد العليم ابو عبده ✍️