مولاي رفعت يْدِييَّا *** لك طايع و عابد
عليم ما تخفاك خفية*** يا الأحد الواحد
سيد النبي يشفع فيّا*** يٓس إسمو خالد
طه خير البرية ***كن لي شفيع و شــاهد
يا العــالي جـــود عــليّا *** راني وحــيد نكابد
غادي بالصفا و النية*** و رزقي بجهد الساعد
بــرضاك اشفِ مــا بيّا ***و لضَرِّي شــاكر حــامد
و طْفِ اللِّي ف قــلبو كية ***خايد فيّا حاسد
كـــلامو كـــسُمّ الحية ***و فعلو فِعْل الجـــاحد
بصير و بصيرة معمية*** يْشُوف و ما يستافد
مِن والو يْدير قضية *** حـــاسب راسو قايد
ما قْبَل من حدّ وصية*** و لو الواصي محايد
يا الفاهم خد روية *** كلام المجدوب يتعاود
معاني فيها قافية*** و شلا نْصُوح ف قـصايد
لا تغرك هاذ الــدنيا*** و لا تكون ديما معاند
حضّر عقلك شْوِية*** و على الغــِل لا تَعْتامد
راه لـــطريق الــمعصية*** إبليس عــْوِيــن يــساند
ما يســوق غير للهاوية*** بجهل من غير قواعد
يا ويل من جعلو مطية *** في غْوى سرجو قاعد
راه الحيا(ة) فانية *** ما يفلح إلا مَن هو صامد
يزيد علوي اسماعيلي
عليم ما تخفاك خفية*** يا الأحد الواحد
سيد النبي يشفع فيّا*** يٓس إسمو خالد
طه خير البرية ***كن لي شفيع و شــاهد
يا العــالي جـــود عــليّا *** راني وحــيد نكابد
غادي بالصفا و النية*** و رزقي بجهد الساعد
بــرضاك اشفِ مــا بيّا ***و لضَرِّي شــاكر حــامد
و طْفِ اللِّي ف قــلبو كية ***خايد فيّا حاسد
كـــلامو كـــسُمّ الحية ***و فعلو فِعْل الجـــاحد
بصير و بصيرة معمية*** يْشُوف و ما يستافد
مِن والو يْدير قضية *** حـــاسب راسو قايد
ما قْبَل من حدّ وصية*** و لو الواصي محايد
يا الفاهم خد روية *** كلام المجدوب يتعاود
معاني فيها قافية*** و شلا نْصُوح ف قـصايد
لا تغرك هاذ الــدنيا*** و لا تكون ديما معاند
حضّر عقلك شْوِية*** و على الغــِل لا تَعْتامد
راه لـــطريق الــمعصية*** إبليس عــْوِيــن يــساند
ما يســوق غير للهاوية*** بجهل من غير قواعد
يا ويل من جعلو مطية *** في غْوى سرجو قاعد
راه الحيا(ة) فانية *** ما يفلح إلا مَن هو صامد
يزيد علوي اسماعيلي
ليست هناك تعليقات:
إرسال تعليق