مجلة شعراء موسيقى الشعر العربي الشاعر القدير الاديب رأفت إبراهيم ..قصيدة ليه أحبك ..تحياتي

...ليه أحبك.....
ناقص حنان علشان
 بحبك من زمان
قبل ما أشوفك واعرفك
كنت بعاتبك على اللى كان
والله تمام طب كنتى قولى
فى حلمى قبل ما أديكى الامان
قبل ما عينى تلمسك
وأقول خلاص فات الاوان
طب كنت قولى من زمان
فاكرانى صامت
والدموع هى الرفيق
وانى يائس بنطوى
على اى ركن على الطريق
ده انا كنت هايم
بالهوى ذى الغريق
مستنى تيجى لدنيتى
او حتى كلمة تبل ريق
وأدى السما ابفى اسأليها
كام نفس سمع حروفك
قبل ماتيجى وألمحك
كان نفسى اسمى يخش جوفك
وأخدك بايدى للقمر
علشان يشوفك
واقول يا عمرى خايفة
 ليه ما ترمى خوفك
بس خلاص جبتى المفيد
دا مهما كان برضه اكيد
الحياه فيها كلام
مهما كان جرحه شديد
هو علم مش خيال
حلمى بيكى كان بعيد
ليه احبك وانتى لسة
جسمك مبناش الوريد
    ....شعر رأفت ابراهيم......
#أشعار_رأفت_ابراهيم