(((( بحب ترابها ))))
قالولي صحيح بتحب مصر
قلت أيوا بموت في حبها
بحب ترابها اللي زي الزهر
اللي طالع من جوه قلبها
بحب شمسها وبحب ليلها
وبحب عطرها وبعشق هواها
بحب هرمها ولون نيلها
وأموت عشان لحظة رضاها
بعشق صوت نغم عصافيرها
وبعشق جواها أوقاتي و أيامي
ع الشط دايمآ بأساريرها
وفي الشوارع عايشه أحلامي
دي هي امي وهي حياتي
والضحكة اللي دايمآ جوايا
فيها عمري و كل ذكرياتي
وفرحت عينيها هي منايا
لا أعرف أحب تاني غيرها
ولا أقدر أنسى يوم إسمها
حافظ حتى أسامي طيرها
وبغني من غلاوة عشقها
حبها بيجري دايمآ بدمي
وانا زهرها بين الغيطان
هي ابويا وهي أمي
ودمها جوه الشريان
بحبك يابلدي وبحب رسمك
مهما قالوا عن سلطانك
داه دمي بيجري جوه دمك
ولو أمرتي أموت عشانك
تاج على راسي منور
وجبيني بيكي عالي
سبحان من خلق وصور
يا مصر يا أغلى الغوالي
لا بحبها عشان اخد نيشان
ولا بحبها عشان يمدحوني
بحبها عشان هي الحنان
وهي بالأصل نور عيوني
كل ضحكة ليا فيها صوت
وكل همسة ليا فيها نغم
حفضل أحبها ولو أموت
أصلها جوة قلبي حرم
يا سلام على إسم مصر
يا سلام وهي واقفة بتغني
دا الصبر ياخد منها صبر
ويا جمالها وهي بتشاغلني
على نغمة عودها بأتمايل
ومن حلاوتها بأقول أه
جمالها عمل فيا عمايل
وهواها عسل الشهد جواه
تعيشي يابلدي رأسك للسما
وأعلى مافيكي فوق النجوم
حفضل أحبك ومش حقول ربما
وعن حبك أبدآ أبدآ مش حصوم
صائغ القوافي الشاعر
فهد بن عبدالله الصويغ
23-8-2018
قالولي صحيح بتحب مصر
قلت أيوا بموت في حبها
بحب ترابها اللي زي الزهر
اللي طالع من جوه قلبها
بحب شمسها وبحب ليلها
وبحب عطرها وبعشق هواها
بحب هرمها ولون نيلها
وأموت عشان لحظة رضاها
بعشق صوت نغم عصافيرها
وبعشق جواها أوقاتي و أيامي
ع الشط دايمآ بأساريرها
وفي الشوارع عايشه أحلامي
دي هي امي وهي حياتي
والضحكة اللي دايمآ جوايا
فيها عمري و كل ذكرياتي
وفرحت عينيها هي منايا
لا أعرف أحب تاني غيرها
ولا أقدر أنسى يوم إسمها
حافظ حتى أسامي طيرها
وبغني من غلاوة عشقها
حبها بيجري دايمآ بدمي
وانا زهرها بين الغيطان
هي ابويا وهي أمي
ودمها جوه الشريان
بحبك يابلدي وبحب رسمك
مهما قالوا عن سلطانك
داه دمي بيجري جوه دمك
ولو أمرتي أموت عشانك
تاج على راسي منور
وجبيني بيكي عالي
سبحان من خلق وصور
يا مصر يا أغلى الغوالي
لا بحبها عشان اخد نيشان
ولا بحبها عشان يمدحوني
بحبها عشان هي الحنان
وهي بالأصل نور عيوني
كل ضحكة ليا فيها صوت
وكل همسة ليا فيها نغم
حفضل أحبها ولو أموت
أصلها جوة قلبي حرم
يا سلام على إسم مصر
يا سلام وهي واقفة بتغني
دا الصبر ياخد منها صبر
ويا جمالها وهي بتشاغلني
على نغمة عودها بأتمايل
ومن حلاوتها بأقول أه
جمالها عمل فيا عمايل
وهواها عسل الشهد جواه
تعيشي يابلدي رأسك للسما
وأعلى مافيكي فوق النجوم
حفضل أحبك ومش حقول ربما
وعن حبك أبدآ أبدآ مش حصوم
صائغ القوافي الشاعر
فهد بن عبدالله الصويغ
23-8-2018
ليست هناك تعليقات:
إرسال تعليق