💂♀️حكومة بلدنا -💂♀️- حكومه رشيده -- دايما بتوعدنا -- بكل جديده -- وعمرنا معولنا هم لقمه ولاهدمه جديده -- بتدينا ناكل -- ومفيش مشاكل -- لوقعدنا ع الحديده --وبعنا الغالى بالرخيص -- وتهنا ف حيص بيص-- وبتاخد بايدنا -- ف امور عديده -- منها فواتير كهربا -- متقطبه -- وفلوسها زهيده -- ايه يعنى لمبه ف وسط عشه -- تكسرها وتحوشها -- لو مدفعناش -- من غير نقاش-- وروحنا ف صديده -- وشويه اميه ب-- نشربهم هباب -- بيجيبوا الحصوه -- لو واكلين كباب -- وندفع قبالهم -- من عز مالهم -- من حسابهم ميات وزيده --- حكومة -- بلدنا -- حكومه رشيده -- نازله طالعه -- الاسعار والعه -- وهيه المستفيده --- معدتش رخيص -- غير التنغيص -- والحكمه فريده -- المصرى ف العلالى-- وهوه بيلالى وصحته قعيده -- لامستشفى تلمه -- ولا حد يعول همه -- غير الموته الشديده -- من رهقان -- من هفتان المصرى كحيان -- واقروا الجريده -- حتلاقى الطيالين -- اللى واكلين سمين -- بيمدحوا البومه -- حكومتنا الملزومه -- ويقولوا مظلومه -- دا حكومه رشيده -- على حساب شعب -- شبع غلب -- وجاتله مصيبه -- وماشيين ف الشوارع -- بس بنصارع -- جمله مفيده -- يقولها مسئول -- على عربية فول -- وواقف زى الغول -- وبطنه عتيده -- حكومة بلدنا -- حكومه رشيده -- بتعلم ف مدارس -- اللى فيها التاعس -- مدرس بيشرح -- ويضحك ويفرح -- والعيال بلبيده -- وبيسقطواعلى اوله -- وفلوسه ع الطاوله -- يابده المديده - ويادرس خصوصى -- او يا نفس لوصى -- والا السقوط -- والواد منقوظ -- ابوه العواطلى -- وامه تفيده وياريت لوينجح -- يلقاله مطرح -- ووظايف عديده -- ابدا دابيركن -- جنب الحيط -- ولا وظايف -- ولا حد شايف -- غير حسره وتنهيده -- وتعالى ع الاستحاله -- لو موطفين شغاله -- ومش اديها مديده -- مرتبات تطرش -- زى عصفور بيعشش -- فوق حطبه او جريده -- وان اتكلمت تروح -- فوق السفوح وتترمى ف حته بعيده -- لاتعرف انت فين-- ولا حتجيب منين -- للاسره السعيده -- وادى حال حكومه -- بينا ملزومه -- ف القانون والعقيده -- وان غلت تغلى -- القوت تملى -- عشان ناكل عصيده -- ونحلى بتنهيده -- ونشرب من كعانا -- ومفيش حد عانا -- والضحكه شريده -- والمواصلات زحمه -- واترحمنا م اللحمه -- داحتى التكاتك عقدوها تعقيده -- والكرشه والفشه -- عرفنا انها غشه -- وكلنا ها ومفيده -- الناس بتلطم -- وربنا اعلم-- بالروس البليده -- اللى نسيت تفكر-- ف الزمن الاغبر -- اللى كله غلا وسو كيل-- ولبس الهلاهيل-- وياريت عاجب -- اعلى المراتب --- دابيقولو ع الشعب-- نار بتهب --- وشياطين مريده ---- واللى حاصل -- ان المصرى واصل-- لنهايه اكيده -- نهاية عدل -- كان -- وظلمك ياومان --نسانا المكان-- واننا ف مصر-- ست كل عصر -- لولا الشخ ميزو -- والست فريده---------------------✍️✍️- الشاعر \\ عبد العليم ابو عبده ✍️
ليست هناك تعليقات:
إرسال تعليق