#اللي_يتجاهل_القصيدة_دي_هو_الخسران
....................................................................
اليكم أحبائى قصيدة ( قلب القاهرة القديم ) والمنشورة بديوانى #فى_ربوع_القاهرة .. وهى وصف لقاهرة العصور الوسطى
...............................................................................
قلب القاهرة القديم
يام المداين حجارة .. بندقى ولوزى
ياحب من حب طارح جنة فيروزى
عطر التاريخ ينجلى يافرحة البساتين
حفنة ترابك مسك .. وحنة للغاويين
لحن الحجارة صبا .. من مجدنا السالف
عنقود فرط تواشيح .. ملفوفة بزخارف
يامحــيرة التواريخ .. ومؤلفين شعـــرا
قالوا اللى عاش جوها يعلى عن الفقرا
أخضر يابرج الحظ .. ياغالب التحاويط
انا ابن ست الهوانم .. ام قلب بسيط
ياتاجر الفن .. قدر حسنها حبة
جمالها لو يتوزن .. يبرجل الطبة
*********
الأرض تبر الذهب .. لامع بلون الشوق
يانيل ياسحر وعجب .. أسمر وكلك ذوق
جوارى تسبح فيك .. حمام بعين عسلى
وكل فرد يفوت .. حاجب يبص بصلى
أما الصبايا سبايا .. لوشوشة موجك
وشم اتنقش ف الودن .. تسبيحة لوجودك
شاربين فى حنيتك .. واللمحة وردية
عطر الندى منتدى .. شقشق بفجرية
تبان فى عين البنات .. لمعة مضوية
تنعش قلوب دايبين فى الخضرة والمية
وصوت حنين البيوت .. ع الضفتين بيدور
شقر علينا وهمس .. خلى المباني قصور
*********
مدينة الأرابيسك .. من عصر وسطانى
قلوب رجالها بلح .. رطب وحيانى
حبة بساطة ومعافرة .. ونكتة مصرية
ريحة الرغيف تناديه .. بروح وتسلية
قلبه كما القاهرة .. حزمة من الأساطير
الألف ليلة ياناس .. مشتاقة للتمصير
تروى عن الحارات .. ام الدروب ضيقة
زقاق ف قلب زقاق .. بحرفة الملتقى
يغزل صراحة توب .. على عطفة متفرقة
يحدف بنوره ضى .. مهده كما الشقشقة
ياروعة الدهاليز .. ياهدية للمخاليق
المشى من سحرها .. نفحة تبل الريق
*********
أحدف دراعك هنا .. بالحضن لعيالها
نار الحنين تنطفى .. ويرن موالها
العشق مصرى وأصلى .. شقاوة بالفطرة
ودم خفة .. وعفة تلمحها بالنظرة
ف الجرى والسباقات .. غزلان محنية
نشاط وهمة ودلع .. والضحك بالنية
الجمعة يوم العيد .. وموسم الزيارات
متجمعين ف ديار .. ضلة وأمنيات
شباب صبا وعواجيز .. صبيان تجر بنات
بينادوا تعلب فات .. ف الديل سبع لفات
لو قلب صخر يدوب .. يرق نغمة عود
تلعب لفات معاهم .. وغنوتك عنقود
*********
اطلع معايا نطوف .. ونطل م القلعة
عجب البلاد اشكال .. ماتكفيهاش طلعة
نبعد عن الدوشات .. ونفارق الزحمة
نعيشها حريات .. وسلسبيل رحمة
آلاف من البنايات .. عمارة وازدهار
تحت الشموس لآلئ .. تزيدك انبهار
غابة من المآذن .. مرفوعة بالعروش
وكأنه نخل عالى .. وبلحه مانطولوش
ف الضل تبان هلايله .. برسمة الشموس
مطبوع على كل قبة .. بدقة الشاكوش
والقبة بكورنيشاتها .. تغازل ف الغروب
زى اللى غاوى يسهر .. ومش عارف يتوب
*********
انده عليها قارب .. وقول ياقاهرة
انده عليها عيد .. تلقاها حاضرة
تلملم ف الولاد .. ويجمعهم ميعاد
صدقت اللى عطاها .. لقب أم البلاد
سياسية من وجودها .. ومركز للعواصم
غاوى الفنون تعالى .. تلاقى الحظ باسم
تعاين الحقيقة .. لا خيال ولا أمنيات
أصالة القصيدة .. تبان في التعبيرات
#أشرف_البنا
....................................................................
اليكم أحبائى قصيدة ( قلب القاهرة القديم ) والمنشورة بديوانى #فى_ربوع_القاهرة .. وهى وصف لقاهرة العصور الوسطى
...............................................................................
قلب القاهرة القديم
يام المداين حجارة .. بندقى ولوزى
ياحب من حب طارح جنة فيروزى
عطر التاريخ ينجلى يافرحة البساتين
حفنة ترابك مسك .. وحنة للغاويين
لحن الحجارة صبا .. من مجدنا السالف
عنقود فرط تواشيح .. ملفوفة بزخارف
يامحــيرة التواريخ .. ومؤلفين شعـــرا
قالوا اللى عاش جوها يعلى عن الفقرا
أخضر يابرج الحظ .. ياغالب التحاويط
انا ابن ست الهوانم .. ام قلب بسيط
ياتاجر الفن .. قدر حسنها حبة
جمالها لو يتوزن .. يبرجل الطبة
*********
الأرض تبر الذهب .. لامع بلون الشوق
يانيل ياسحر وعجب .. أسمر وكلك ذوق
جوارى تسبح فيك .. حمام بعين عسلى
وكل فرد يفوت .. حاجب يبص بصلى
أما الصبايا سبايا .. لوشوشة موجك
وشم اتنقش ف الودن .. تسبيحة لوجودك
شاربين فى حنيتك .. واللمحة وردية
عطر الندى منتدى .. شقشق بفجرية
تبان فى عين البنات .. لمعة مضوية
تنعش قلوب دايبين فى الخضرة والمية
وصوت حنين البيوت .. ع الضفتين بيدور
شقر علينا وهمس .. خلى المباني قصور
*********
مدينة الأرابيسك .. من عصر وسطانى
قلوب رجالها بلح .. رطب وحيانى
حبة بساطة ومعافرة .. ونكتة مصرية
ريحة الرغيف تناديه .. بروح وتسلية
قلبه كما القاهرة .. حزمة من الأساطير
الألف ليلة ياناس .. مشتاقة للتمصير
تروى عن الحارات .. ام الدروب ضيقة
زقاق ف قلب زقاق .. بحرفة الملتقى
يغزل صراحة توب .. على عطفة متفرقة
يحدف بنوره ضى .. مهده كما الشقشقة
ياروعة الدهاليز .. ياهدية للمخاليق
المشى من سحرها .. نفحة تبل الريق
*********
أحدف دراعك هنا .. بالحضن لعيالها
نار الحنين تنطفى .. ويرن موالها
العشق مصرى وأصلى .. شقاوة بالفطرة
ودم خفة .. وعفة تلمحها بالنظرة
ف الجرى والسباقات .. غزلان محنية
نشاط وهمة ودلع .. والضحك بالنية
الجمعة يوم العيد .. وموسم الزيارات
متجمعين ف ديار .. ضلة وأمنيات
شباب صبا وعواجيز .. صبيان تجر بنات
بينادوا تعلب فات .. ف الديل سبع لفات
لو قلب صخر يدوب .. يرق نغمة عود
تلعب لفات معاهم .. وغنوتك عنقود
*********
اطلع معايا نطوف .. ونطل م القلعة
عجب البلاد اشكال .. ماتكفيهاش طلعة
نبعد عن الدوشات .. ونفارق الزحمة
نعيشها حريات .. وسلسبيل رحمة
آلاف من البنايات .. عمارة وازدهار
تحت الشموس لآلئ .. تزيدك انبهار
غابة من المآذن .. مرفوعة بالعروش
وكأنه نخل عالى .. وبلحه مانطولوش
ف الضل تبان هلايله .. برسمة الشموس
مطبوع على كل قبة .. بدقة الشاكوش
والقبة بكورنيشاتها .. تغازل ف الغروب
زى اللى غاوى يسهر .. ومش عارف يتوب
*********
انده عليها قارب .. وقول ياقاهرة
انده عليها عيد .. تلقاها حاضرة
تلملم ف الولاد .. ويجمعهم ميعاد
صدقت اللى عطاها .. لقب أم البلاد
سياسية من وجودها .. ومركز للعواصم
غاوى الفنون تعالى .. تلاقى الحظ باسم
تعاين الحقيقة .. لا خيال ولا أمنيات
أصالة القصيدة .. تبان في التعبيرات
#أشرف_البنا
ليست هناك تعليقات:
إرسال تعليق