مجلة شعراء موسيقى الشعر العربي الشاعرة القديرة المبدعه نعيمة رحيمي.. قصيدة راجل ولاست ..تحياتي

راجل ولا ست
ياخرابي ياناس ياخرابي
ده راجل ولا ست
 يمكن أنا مش شايفة
 يمكن تكون بنت
ماهو متزوق عالآخر
ومتلون بكل الألوان
وعيونوا أزرق وأخضر
وخدودوا ياناس رمان
 إيه الزمن ده الأغبر
رجالة بتلبس ملون وأحمر
ألطم أنا ولاأصبر
 والراجل بقى شبه البنت
 آه ياعيني ياناس على حالنا
والله بقينا آخرمسخرة
كل يوم بنشوف العجايب
 كل يوم بلادنا متأخرة
والراجل بقى شبه البنت
  في كل شارع وفي كل حارة
 بناطيل بيلبسوها متقطعة
شباب بيلبس موضة
 وبالغرب عقولهم متأثرة
 كل يوم بنجوا على برشام
 وأجسامهم بالحقن مدمرة
 نسيتوا إن كل ده حرام
فين أجيال العلم والمفخرة
يافرحة أمك بيك
ياللي عامل شال وبرنيطة
 أمك قالت أنا جبت راجل
 وبكرة أعملوا فرح وزيطة
وأنت شبه البنت
هو أنت إمتى حتبقى راجل
ويبقالك بيت وعيال
ماهي الرجولة مبيشتروهاش
 ومبتبعش بالفلوس والمال
ماأنت ياعيني شبه البنت
 نعيمة رحيمي