مجلة شعراء موسيقى الشعر العربي.. الشاعر المبدع الأديب عبد الرزاق صالح احمد ..قصيدة ليلة اتخنق فيها القمر ..تحياتي

===== ليله اتخنق فيها القمر ===
قصيده للشاعر // على عبد الرازق صالح احمد
المعصره ---- الفتح -- اسيوط
========
ليله اتخنق فيها القمر قولنا اتركوه
هوا القمر ناقص ياناس لما تخنقوه
صلوا الشباب ضربوا الدفوف ورقصوه
قالوا اتخسف لما لما بنات الحور زعلوه
سيبوا القمر ياناس فى حاله وأعزروه
عمره ما كان خاين دا راح بكى لما خانوه
ولما طالت خنقته صرخوا وقالوا ليه ياهوووه
وياريت كان اهل الآرض فى حاله يتركوه
طلعوا عليه بصواريخ قال ايه ! عايزين يكشفوه
وجاسوا عليه برجليهم واكيد نجسوه
وبيفكروا يعملوه مشروع سياحي ،  يأجروه
وانا خايف عليه ليفكروا يجوزوه
وخايف لو يوم اشتكى يضربوه ويأدبوه
ويرسلوله عسكر ومرتزقه بالمعاول يهدموه
وبعدها يقولوا العرب همه أكيد اللي أغتالوه
==============
ويرسلوا جواسيس للسما يعرفوا الخبر السليم
ويقولوا اكيد اتخنق على يد شيطان رجيم
وخنقه واحد م العرب أرهابي ومجرم لئيم
او خنقوه بنات العرب ، هند وكاميليا  وريم
حسدوه وقالوا طلعته زي النسيم
دا عمره ما بنوره بخل ديما كريم
ودا عمره ما يوم اشتكى ديما سليم
وتعاطفوا مره معاه وقالوا دا القمر أصلا يتيم
وقالوا كرهنا وللعرب صديق حميم
وكلامه كتر عننا زي عبدالله النديم
يارب فك خنقته ويعود لنا على السراط المستقيم
ونقول سبحن من سيره ونوره وهدانا بيه ربُ رحيم
======================