مجلة شعراء موسيقى الشعر العربي الشاعر المبدع القدير محمود عبد الغني غزالة ..قصيدة بحر الدموع ..تحياتي

{{ بحر الدموع }}
بندور على إبتسامه....... فى بحر من الدموع
طول عمرنا غلابه.......عايشين زى الشموع
بنهدى النور لغيرنا......والنور عننا مقطوع
وحتى لو صرخنا.......صوتنا مش مسموع
وحتى لو شكينا..........محدش مهتم بالموضوع
وحتى لو نمنا...........الواحد يصحى مفزوع
ورق شجر إحنا.......نزعوه من الفروع
وحتى قلوبنا بتبكى.....من بين الضلوع
الحبيب بيخنا........وببساطه يبيع
الحبيب بيخنا .....وانا معاه مخدوع
بالدم بنبكى احنا.....بالدم مش بالدموع
الحزن ساكن روحنا....والقلب تملى موجوع
امتى يا فرح امتى.....يا فرح امتى الرجوع
يا فرح عود لينا......حتى لو اسبوع
سبع تيام تسعدنا......وحتى لو هنجوع
وتمسح دمع اليتامى....وتمسح الدموع
ونبكى من فرحتنا......انهار من الدموع
وتفرح ارواحنا........وتعوم فى الينبوع
عشان نغسل همومنا....ونقيد تانى الشموع
خريف كل عمرنا....ومفيش فيه ربيع
طول حياتنا.....عايشين فى الضياع
طول كل عمرنا....عايشين زى الضباع
تملى ضايع حقنا....ضايع من السباع
يا فرح امتى الرجوع...رجع لينا القلوع
من غيرك انا ملك مخلوع....من غيرك ليل بلا شموع
من غيرك غريق فى الدموع...من غيرك انا حبيب مخدوع
شجره انا بلا فروع....مركب من غير قلوع
امتى يا فجر الطلوع....يا شمس امتى الرجوع
انا بيك ولوع....امتى يا قمر الرجوع
بندور على ابتسامه...فى بحر من الدموع