مجلة شعراء موسيقى الشعر العربي الشاعر المبدع القدير سيد صادق ..قصيدة خاف عليها ..تحياتي

خاف عليها .. متخوفهاش
مش كل شويه تبكيها ..
الكلمه الحلوه .. متمسكهاش
قولهلها .. هتفرح اوي بيها
الدنيا بحالها دي متسواش
دمعه تبان جوه عنيها

خدها ف حضنك .. حسسها
أن انت ملاك جاي يحرسها
وان زعلت روح بوس علي راسها
وامسك في ايديها... ومتسيبهاش .
خاف عليها .. متخوفهاش

خليها تملي .. تقول انك
مفيش اتنين .. ابدا منك
و أن غابت لحظه ف يوم عنك
أسأل عليها .. متهملهاش .
خاف عليها .. متخوفهاش

سيد صادق