مجلة شعراء موسيقى الشعر العربي.. الشاعر القدير عبد العليم ابو عبده ..قصيدة شوفوا الزمن الأغبر / المحررة شروق

عبد العليم ابو عبده
·
شوفوا الزمن الاغبر
--------------
اللى فيه الهموم بالكوم -----
معدتش حد بيصبر
الا وقالع الهدوم ---
ولابس ع الموضه -- قلة ادب
وامه ممروضه -- وابوه طالعله قتب ---
-- وواخد السنيوره -- لرحله للفيوم ---
وابوه دايخ السبع دوخات
وامه بتقول للرايح والجاى هات --
-- وهومحصل بخيبته النجوم ---
شوفوا الزمن الاغبر ---
كل شاب -- ع الدنيا قب --
-- عاملى فيها عنتر --
-- بدام نسى الصلا والصوم ---
اهو شايف نفسه وعواطلى
وبالقشف والوساخه مطلى --
-- وعايش بس يزعق ويزوم ---
وامه بتجرى عليه
عشان يعمل بالكدب بيه ---
--- وهوه مش قادر م الارض يقوم
الا باصطباحه -- وقلة ذوق وبحاحه
سجاره فرط -- وكوز دره عرط ---
- - او فول متقليله -- بفص توم ---
ونازل شخط ونطر
ونفسه ف جل -- وقزازه عطر --
-- ويعمل فيها من شباب اليوم---