مجلة شعراء موسبقى الشعر العربي.. الشاعرة القديرة نعيمة رحيمي ..قصيدة حق المظلوم / المحررة شروق---تحياتي

حق المظلوم
وعشان الحق يموت
 يضحوا بمحمود وأولادوا
 يقولوا ده كان مجنون ياناس
ولايقدر يقول كلمة على أسيادوا
مش حصدق في يوم إنك قاتل
وإنك ممكن تقتل حتى نملة معدية
بالظلم رجعوك قاتل
 ياللي كلك طيبة وحنية
نام يابريء وإرتاح
وبكرة تدواى الجراح
وكل ظلم له نهاية
 وبعد الليل يطلع الصباح
ماهي عصابة دولية
والباشا والسفارة الأمريكية
 ورئيس المركز ياناس
ده طلع داهية مخبية
ماهو كلهم على بعضهم عصابة
 ومافيا وتجارة دولية
 بتجاروا في الأثاروالممنوع
وكل حاجة مستخبية
خلو قلبك على ضناك موجوع
دول ميعرفوش رحمة ولا حنية
 في كل خرابة يطلعلك عفريت
 يطير وله جناحين
ياناس حرام عليكم
 وبالظلم حتودوا فين
رجعتوا الحق باطل
وقلتوا محمود قتل ولادوا الإثين
ومين حيصدق كلامكم
ماإحنا عارفين اللي فيها
 قتلة ومجرمين ياناس
رجعتوا عاليها واطيها
 بلطجية بتهدم في البيوت
وكل ده علشان الحق يموت
ماهو الحق لازم يظهر
ولو قفلتوا عليه بسرداب وتابوت
ياما في ملفات فساد
وميعرفهاش غير رب العباد
 فاكرين الدنيا ليكم
ملككم وملك أهاليكم
واللي يوقف أصادكم
ترجعوه قاتل للولاد
ياريس رجع حق المظلوم
وحق محمود وولادوا
وإن كنت ياريس معاهم
تبقى إنت الظلم وجلادوا
نعيمة رحيمي