مجلة شعراء موسيقى الشعر العربي الشاعر الكبير.. أيمن عز الدين سكوري ..قصيدة زينة البنات / شروق تحياتي

العمل الأدبى أو الأغنية التى سوف تقرأونها قد ألقيتها أول أمس الأحد فى " قصر ثقافة الأنفوشى " فى الأمسية الذى أقامها القصر بمناسبة " اليوم العالمى للمرأة النوبية " •••

     •••••••••• ( زينة البنات ) •••••••••

   سمرة سمرة زينة البنات
                  السحر جوه عينيكى السود
   لو مرة طيفك علينا فات
                   فرحتنا بتبقى ملهاش حدود
        يا سمرة يا ••• يازينة البنات
              ☆☆☆☆☆☆☆☆

   سمرة سمرة يابنت النيل
                   هلى علينا وارمى التحية
   ياللى عينيكى مرسى وسبيل
                    لقلوب عطشانة للحنية
         يا سمرة يا ••• يازينة البنات
                ☆☆☆☆☆☆☆☆

   يا امو الضفيرة شغلتي البال
                    بأحلى بسمة على الخدين
   انتى فوقتى الجمال جمال
                   يا أرق زهرة شافتها العين
          يا سمرة يا ••• يازينة البنات
                 ☆☆☆☆☆☆☆☆

   سمرة يالحن وغنوة حبى
                   ضيك زينة فى فؤادى
   أوعاكى تغيبى عن قلبى
                    ليهيم بالشوق كل الوادى
            يا سمرة يا ••• يازينة البنات
                ☆☆☆☆☆☆☆☆☆

                      من ديوان ( خميلة الوادى )
                            للأديب الشاعر
                         ايمن عزالدين سكوري