الشاعر القدير المبدع أحمد عبد الحق ..قصيدة بعنوان ارتعشت ..المحررة ليمار

ارتعشت
زلزال هز كياني
في لحظه كنت نفسي
في لحظه لقيتني بتحول
في لحظه  حد تاني
ياتري اسمه ايه
حب مفتكريش
عشق مفتكريش
دي حاجه شكل تاني
قسوه جواها رقه
ورقه حاصنه قسوه
احاسيس ومدوباني
منكرش باني جامده
عنيده ومستبده
ولما اكون معنده
بحس باني جامده
وساعات بحس قاسيه
واعمل نفسي ناسيه
في لحظه غصب عني
الاقيك فارس زماني
بحسك حد عايش
مولود من جوه قلبي
مخلوق بس عشاني
انا عارفه وبعترفلك
يمكن حبيته قبلك
بس بصراحه حقيقي
كل اللي فات نسيته
حتي العمراللي فات
بجراءه بنفسي رميته
وابتديت عمراللى ضاع
وبقيت حبي الاخير
وبقيت الاولاني
بس امانه تقولي
قسوه دي ولا رقه
قلبي موجوع بدقه
معرفش كنت ايه
اصل اللي يبص في عنيك
ميحبش حد تاني
مايشوفش حد تاني
اطمن ياحبيبي
اقل حاجه اقولك
انك قدري ونصيبي
وازيد كمان شويه
انك الصدق في كلامي
حتي ساعه منامي
الاقيك وسط جرحي
انك وحدك طبيبي
احمدعبدالحق