#غرام_الديوك
الجزء الأول...
( حديث بين الديك و ابوه ووصف الديك لحبه الكبير... )
بيقول ..
ليه بكاكي ولا انتي حاسه
ليه قوليلي يا ( بكاكا دسا )
سألت بابا فقالي أرسى
دي ليها يا ابني حكايه و قصه
ف عشه واحده ربتنا واحده
قلبها طيب مكانتش جاحده
و حبة حبة زادت المحبة
رفرف علينا طير المحبة
و ادتها عمري و هي شاهدة
يا بابا يلا اطلب لي ايدها
باعيش ليلاتي احلم ب بيضها
يكون حفيدك كتكوت صغير
م الشوق يزيدك ............
دي( بكاكا ) حلوه وانا رايدها
***********************
( الجزء الثاني ) ........
رد ( بكاكا ) علي الديك لما سمعت كلامه عنها
كاك كاك كاك كاك
انا بتمني رضاك
وحياة طلة منقارك
ما تبعد عني هواك
يا ابو عُرف احمر زي الدم
امتي ف بيت واحد نتلم
يجي ف فرحنا ولاد العم
البط والوز وياك
قلبي وقلبك بقوا قلبين
زي بيضه وفيها صفارين
لو تفتحها راح يفرحها
هيخرج منها اجمل حبيبن
*********************
( الجزء الثالث ) .......
الديك عرف انها بتخونه
ف بيقول :................
ليه انا بكاكي ؟
واطير عمري وراكي
وانتي تغيبي عني ؟
ده عشة قلبي جارك
وياما من منقارك
سمعت كلام ساحرني
ما بين كاكا وكيك
انا دوبت والله فيك
انا ايوه اسمي ديك
بس انتي حته مني
راجع وحدي بكاكي
علي حب كان معاكي
رمتيه انتي وراكي
علشان ديك الجيران
حنيتي ليه لأنه .......
صوصو من صغر سنه
قلبك باعني وكأنه
ماشفشي يوم حناااان
********************
الجزء الاخير ..............................
الديك راجع حزين وديوك وفراخ العشش اتلموا عليه
بيسألوه عن اللي حصل
ف بيقول:................................
وسعولي وسعولي وسعوا
ولا انتوا عايزين تسمعوا
قصه بكاكا ف دنيتي
وطريق مشيته ف سكتي
من تاني مش عايز ارجعوا
لساكوا عايزين تسمعوا
طب وسعولي وسعوا
كنت زمان انا ديك صحيح
ولساني افصح من فصيح
حبيت بكاكا عشقتها
كدبت وانا صدقتها
فرشت طريقنا بالورود
و في الطريق سبقتها
راحت لديك غيري عشان
ساكن ف عشه من صفيح
لساكوا عايزين تسمعوا
طب وسعولي وسعوا
خسرت كتير هي كتير
خسرت كتير بنت العشش
طالعه لابوها لامها
طالعه لاخوها اللي اتقفش
مشيت خلاص ف طريق حرام
واتقال عليها كتير كلام
لو عدي ديك يرمي السلام
فجاءه تلاقي ريشها اتنفش
سيد صادق
الجزء الأول...
( حديث بين الديك و ابوه ووصف الديك لحبه الكبير... )
بيقول ..
ليه بكاكي ولا انتي حاسه
ليه قوليلي يا ( بكاكا دسا )
سألت بابا فقالي أرسى
دي ليها يا ابني حكايه و قصه
ف عشه واحده ربتنا واحده
قلبها طيب مكانتش جاحده
و حبة حبة زادت المحبة
رفرف علينا طير المحبة
و ادتها عمري و هي شاهدة
يا بابا يلا اطلب لي ايدها
باعيش ليلاتي احلم ب بيضها
يكون حفيدك كتكوت صغير
م الشوق يزيدك ............
دي( بكاكا ) حلوه وانا رايدها
***********************
( الجزء الثاني ) ........
رد ( بكاكا ) علي الديك لما سمعت كلامه عنها
كاك كاك كاك كاك
انا بتمني رضاك
وحياة طلة منقارك
ما تبعد عني هواك
يا ابو عُرف احمر زي الدم
امتي ف بيت واحد نتلم
يجي ف فرحنا ولاد العم
البط والوز وياك
قلبي وقلبك بقوا قلبين
زي بيضه وفيها صفارين
لو تفتحها راح يفرحها
هيخرج منها اجمل حبيبن
*********************
( الجزء الثالث ) .......
الديك عرف انها بتخونه
ف بيقول :................
ليه انا بكاكي ؟
واطير عمري وراكي
وانتي تغيبي عني ؟
ده عشة قلبي جارك
وياما من منقارك
سمعت كلام ساحرني
ما بين كاكا وكيك
انا دوبت والله فيك
انا ايوه اسمي ديك
بس انتي حته مني
راجع وحدي بكاكي
علي حب كان معاكي
رمتيه انتي وراكي
علشان ديك الجيران
حنيتي ليه لأنه .......
صوصو من صغر سنه
قلبك باعني وكأنه
ماشفشي يوم حناااان
********************
الجزء الاخير ..............................
الديك راجع حزين وديوك وفراخ العشش اتلموا عليه
بيسألوه عن اللي حصل
ف بيقول:................................
وسعولي وسعولي وسعوا
ولا انتوا عايزين تسمعوا
قصه بكاكا ف دنيتي
وطريق مشيته ف سكتي
من تاني مش عايز ارجعوا
لساكوا عايزين تسمعوا
طب وسعولي وسعوا
كنت زمان انا ديك صحيح
ولساني افصح من فصيح
حبيت بكاكا عشقتها
كدبت وانا صدقتها
فرشت طريقنا بالورود
و في الطريق سبقتها
راحت لديك غيري عشان
ساكن ف عشه من صفيح
لساكوا عايزين تسمعوا
طب وسعولي وسعوا
خسرت كتير هي كتير
خسرت كتير بنت العشش
طالعه لابوها لامها
طالعه لاخوها اللي اتقفش
مشيت خلاص ف طريق حرام
واتقال عليها كتير كلام
لو عدي ديك يرمي السلام
فجاءه تلاقي ريشها اتنفش
سيد صادق
ليست هناك تعليقات:
إرسال تعليق