الشاعر القدير سيد صادق.. قصيدة بعنوان خير الخلف ..المحررة شروق

#خير_الخلف

الساقيه فاضيه و الارض بور ....
و الفلاحين واقفين طابور ....
كله ايه مغمض عينيه ...
كله و جاي فارد ايديه ....
و الجبين مكتوب عليه ...
انسان ولكن ... المهنه ( تور ) ...!!!!

خير الخلف عاش يتعلف ..
الجهل وارثه من السلف ...
مبقاش عارف رايح لفين ...
مبقاش عارف الفرق بين ..
كوز الدره و حرف الالف !!!!!

خير الخلف عايشها صبر
ف صبره يخلص بحر حبر
بيع الوطن ميهمهوش ... !!!!!
و يبقي وحش من الوحوش ..
لو حد خد من ورثه شبر ....!!!

خير الخلف و لا منه خير ..
بقي حاجه ماشيه بدون ضمير ..
قولناله تور قال احلبوه ....
لو يحلبوه يطلع اخوه ...
ف كل عام و انتم بخير

سيد صادق