الشاعر القدير عز الدين جبريل ---قصيدة بعنوان ياتعب السنين والمر --المحررة ليمار

يا تعب السنين والمر
والعمر اللى خلاص بيمر
وكل يوم من التانى امر
ياطير بالف جناح
ولا عارف تطير حر
اياك تعاتب اللى غدر
قضيها ترحال وسفر
واذكر اللى ليك ذكر
وان يوم سألوك
قول ده نصيب وقدر
الفكر ليك مشغول
وتاه العرض م الطول
اياك تمل وتشكى
على حالك للبشر
دنيا واهى بتتعاش
اصبحنا فيها منسواش
بلدنا مبكرهاش
لكن اكيد بزعل
لما اكون فيها مسواش
الغلا والكوي صاب الكل
امتى خيرك علينا يطل
شبعنا عذاب وذل
تعبنا ماجاب لنا قوت
ياعمر عدى وفوت
الغنى عايش مبسوط
اما الفقران دا عادى
يعيش ولا حتى يموت
خففو الغلا على الخلايق
تعبنا ولا حد فينا طايق
والهم عبى الزكايب
احنا محابيس ولا طلايق
طب قولو وفهمونا
جايز ما عارفين الحقايق
غلاكم ده طال الكل
والجيوب ابيض من الفل
وسامحينا لوغلطنا فيكى
ياغاليه وست الكل
لامو على وقالو شاعر
ولا بس تلعب بالمشاعر
وعايش ومتكفى
ولا حد بينا شاعر
قول ايه رأيك
لو كنت بالناس شاعر
الشاعر/عزالدين جبريل