الشاعر الاديب الكبير أحمد عبد الحق ..قصيدة بعنوان كان يامكان ..المحررة

كان يا ما كان
هو كان احساس
لحظه ميلاده اندفن
ولا شعور بكدبه
طب يلا هاتوا الكفن
قولوا ده مات
وساب معاه الم كبير
وذكريات
كان نفسه يعيش
كان نفسه يكون لحظه حنين
ولكنه مات
كان نفسه يتوب
مع انه تاب
مع انه عاش دقيقته حداد
اكتبوا علي قبره
انه مقدرش يفرح
مقدرش يعيش لحظه ميلاد
يمكن يكون حلم وكابوس
حتي والله معرفش
ملحقش يفرح بالكابوس
والله عالم بالنوايا
والله عالم بالنفوس
يمكن سراب
ولا اكيد ورده مدفونه بتراب
ولا نقطه مطر
كانت بتعشق انهاطايله السحاب
يمكن تكون
ويمكن تكون
الخلاصه عشق بعذاب
هاتوا مترين..
يادوب مترين كفن
اهي ايه حاجه نداري بيها
شويه عفن
نخبي فيها ملامح حزينه
نداري بيها غلطات زمن
وهاتوا حروفي وعلموها
تبقي كتاب
وهاتوا مشاعري وافهموها
كملوا رحله عذاب
وارسموها
وانقشوها
وعشان تعيش الحلم
لازم تعيشه سراب
وعشان تكون الحقيقه
لازم تداري مشاعرك
وتعيش في يوم كداب
الحقيقه ياابن ادم
ورقه مكتوبه بميلاد
وورقه تبعدك
وورقه تسعدك
واخرتك
ورقه مكتوبه انه مات
احمد عبد الحق