الشاعر الكبير أحمد عبد الحق ..قصيدة بعنوان مش ضعف مني ..المحررة ليمار

مش ضعف مني
اني قعدتك علي عرشي
واني بسمعك
ماانا في الحقيقه
والله الوحيد اللي بفهمك
وانا الوحيد اللي في عز ضعفك
رغم غرورك بسمعك
وانا الوحيد اللي عارفك
تجرحيني
في لحظه ارجعك
تحسسيني بالغباء
مع اني اناالوحيداللي علمك
مش ضعف ابدا حبي ليك
الحكايه مش ضعف
ولا انك تلبسي توب الغرور
الحكايه ان ده شعور
مش مهم فيه كبرياء
مش مهم يكونله دور
نفسي مره تكوني حاسه
تكوني فاهمه
ماانت لو كنت فاهمه
مش هتحتاجي غرور
ولا انك تكون شهرزاد
ولا اناهكون مسرور
مش ضعف مني
لماعلمتك تكوني
ولا ضعف اني خليتك
تسكني مقلة عيوني
واني فهمتك يعني ايه
تبقي الحياه
وبعد مافهمتي الحياه
حابه تعيشي بدوني
استحاله ده جنونك
حتي جنانك
شيء صغير علمتهولك من جنوني
حتي شوقي لما احسه
تحسي بيه
حتي وحشة قلبي ليك
عشان انت بتناديه
ولما تحسي بغربة فيك
احس بيك بين ضلوعي
في ضميري عايشه فيه
بعد كل الحب ده
عاوزه بشويه عناد
تسيبي قلبي وتنكريه
بشويه عباطه هتدوسيه
بشويه تكبر وكبرياء
هتموتي كافره
وتموتي نفسك
وتعذبيه
لا ياروحي مش ضعف مني
قوة حبي ليك
انك في يوم حبتيه
احمد عبد الحق