الشاعر الكبير أحمد عبد الحق ..قصيدة بعنوان تسمحيلي ياحبيبتي ..المحررة هديل

تسمحيلي ياحبيبتي
بكام سؤال
يعني ايه العشق عندك
والحنين
يعني ايه
كل مااقربلك
تبعديني
تجرحيني بالانين
هو يعني لازم لماافرح
لازم تكتبيني بدمع عين
ولا شرط اساسي
عشان نعيش مره
لازم نموت مرتين
تسمحيلي بكام سؤال
مفهوم الحب عندك
يعني ايه
ويعني ايه نجرح قلوبنا
طب وليه
يعني ايه نجرح مشاعر
واللي جوانا تبديله
كل مااقرب جواك لحظه
تجري بسرعه وتبعديه
حتي حنينك كل مايظهر
الاقيك في لحظه بتحوليه
طب كنت ليه بتعشقيني
وتعيشي حسي وتفهميه
افهميني مره واحده
وعلميني وعلميه
عيشي احساسك بصدق
هتلاقيني وتلاقيه
احمدعبدالحق