الشاعر والاديب المبدع سيد صادق ..قصيدة بعنوان الناس حياري وبالإمارة المحررة شروق

الناس حياري و بالاماره...
الغلب عشش ف كل حاره ...
لو هي هي.... المسرحيه ....
ما تخلصونا و شدوا الستارة
قولتولنا نصبر و الصبر فاض
قولتولنا ( س ) و أهي ماشيه ( ص)
الفرح قل و المر زاد ....
و ما حد فيكوا فاهم الإشارة

قولتولنا فيها و الله فيها
قولنالكوا فين شاوروا عليها
قولتولنا نصبر واحنا نلاقيها
عايزنا نصبر..؟ هاتوا الاماره

قولتولنا بكره واهو بكره جانا
يشبه اخوه ذل و مهانه ....
والله تعبنا و كلمه ب امانه
معدش فاضل فينا مراره

قولتولنا ايه ...... ما تفكرونا
نسيتوا ولا .... انتوا نسيتونا
لو بس نفهم و تفهمونا......
ايه اللي حاصل.. ايه العباره ؟

سيد صادق